ສອນເລີ່ມຕົ້ນຂັບລົດເບົາ (B) 14 ຊົ່ວໂມງ
ຮຽນຂັບລົດ ພ້ອມສອບໃບຂັບຂີ່ ສອນໂດຍ ອາຈານທີ່ມີປະສົບການການສອນ ມີທັງ ອາຈານຜູ້ຍິງ ແລະ ອາຈານຜູ້ຊາຍ ສາມາດເລືອກໄດ້ ວ່າຈະຮຽນເວລາໃດ ຈະມີຊ່ວງດັ່ງນີ້:
1. ຊ່ວງເຊົ້າ:
– ເວລາແຕ່ 8:00-10:00 ໂມງ.
– ເວລາແຕ່ 10:00-12:00 ໂມງ.
2. ຊ່ວງບ່າຍ:
– ເວລາແຕ່ 13:00-15:00 ໂມງ.
– ເວລາແຕ່ 15:00-17:00 ໂມງ.
1. ລົດທີ່ໃຊ້ຮຽນແມ່ນ ເກຍທຳມະດາ
2. ນອກນັ້ນຍັງມີບໍລິການຮຽນຂັບລົດ ເກຍໂອໂຕ ຈະຄິດໄລ່ເປັນຊົ່ວໂມງ
ຄຸນສົມບັດຜູ້ຮຽນ:
ກອງຄຸ້ມຄອງພາຫານະແລະການຂັບຂີ່ ໄດ້ກຳນົດຄຸນສົມບັດຕາມ ຜູ້ສະໝັກຮຽນ ຕ້ອງມີ ອາຍຸ 18 ປີ ຂື້ນໄປ ແລະ ຕ້ອງຜ່ານການທົດສອບສະມັດຖະພາບ ຮ່າງກາຍ ໂດຍມີວິທີການ ແລະຫຼັກເກນ ທົດສອບສະມັດຖະພາບຮ່າງກາຍເບື້ອງຕົ້ນ 4 ຂັ້ນຕອນ ດັ່ງນີ້
1. ການທົດສອບປະຕິກິລິຍາທ່າທາງຕີນ(ຄວາມສາມາດໃນການໃຊ້ເບກຕີນ)
ທົດສອບຄວາມສາມາດໃນການໃຊ້ເບກຕີນ 3 ເທື່ອ ໃນໄລຍະເວລາ ໜ້ອຍກວ່າ ຫຼື ເທົ່າກັບ 0.75 ວິນາທີ ຖ້າຫາກສາມາດເຮັດໄດ້ ສອງໃນສາມເທື່ອ ຖືວ່າຜ່ານການທົດສອບ
2. ທົດສອບສາຍຕາທາງກວ້າງ
ທົດສອບສາຍຕາທາງກວ້າງ ຖ້າຜູ້ເຂົ້າທົດສອບສາມາດເບິ່ງເຫັນທັງດ້ານຊ້າຍ ແລະ ດ້ານຂວາ ເປັນມຸມ ກວ້າງຂ້າງລະຕັ້ງແຕ່ 75 ອົງສາ ສອງໃນສາມເທື່ອ ຖືວ່າຜ່ານການທົດສອບ
3. ທົດສອບສາຍຕາທາງເລິກ
ທົດສອບການເບິ່ງເຫັນໃນໄລຍະ 2.5 – 3.5 ແມັດ ລວມ 3 ເທື່ອ ຖ້າຫາກຜົນການທົດສອບຫ່າງຈຸດທີ່ກຳນົດບໍ່ເກີນກວ່າ 1 ນິ້ວ ສອງໃນສາມເທື່ອຖືວ່າຜ່ານການທົດສອບ
4. ທົດສອບສາຍຕາບອດສີ
ຜູ້ທົດສອບເບິ່ງສີຂຽວ, ສີແດງ, ສີເຫຼືອງ ຈາກເຄື່ອງທົດສອບ ຫຼືແຜ່ນທົດສອບໃນລະດັບສາຍຕາໄລຍະບໍ່ໜ້ອຍກວ່າ 3 ແມັດ ໃຫ້ຜູ້ເຂົ້າທົດສອບອ່ານສີຕາມເຈົ້າຫນ້າທີ່ກຳນົດສີລະ 3 ເທື່ອ ຖ້າຫາກອ່ານໄດ້ຖືກຕ້ອງ ສອງໃນສາມເທື່ອ ຖືວ່າຜ່ານການທົດສອບ
ເອກະສານປະກອບໃນການສະໝັກເຂົ້າຮຽນຂັບລົດ:
1. ໃບຄໍາຮ້ອງຂອງໂຮງຮຽນ 1ໃບ
2. ກັອບປີ້(Capy) ບັດປະຈໍາໂຕ ຫຼືສໍາມະໂນຄົວ 1ຊຸດ
3. ຮູບຕິດບັດຂະໜາດ 3×4 3ໃບ
